یاد نکن
چه خش بئوته شيخ العجم وه دِتا حرف مه شعر چم
امسال اگر كمى سِرى پارِ وَشنى رِه ياد نكن
وقتى تِه لينگ چكمه دَره لينگ تلى رِه ياد نكن
اگر راحتتر مجنى پارِ سختى رِه ياد نكن
وقتى ماشينّه گاز دِنى پياده گرى رِه ياد نكن
آسفالت دنده 4 شونى جاده خاكى رِه ياد نكن
وقتى شونى ويلا پيش باغبونى رِه ياد نكن
آلو طلايى ره بخر تِرش هلى رِه ياد نكن
ماشين كه الوار زنّى چاودارى رِه ياد نكن
و سَرِه بار بن ونى مال كشى رِه ياد نكن
وچيله ره انام دنى دستور سرى رِه ياد نكن
چراغ فندك تِه دس دره چراغ موشى رِه ياد نكن
پيمانكار شهرى بوى كوره پلى رِه ياد نكن
اره موتورى ره بدى تور و چلى رِه ياد نكن
ته وضع خوبه ارباب بوى شه رعيتى رِه ياد نكن
باد كه به غبغب انگنى شه پنچرى رِه ياد نكن
ته دس اگر كار بر انه شه كارسازى رِه ياد نكن
اتتا جمه شو نون دنى يواشكى رِه ياد نكن
چارشايى پول ته جيف دره شه فقيرى رِه ياد نكن
چار نفر رييس بوى مهربونى رِه ياد نكن
اگر د تا ره مز دنى شه مزيرى رِه ياد نكن
چار تا كلاس سواد دارنى شه اتته چى رِه ياد نكن
چارتا غريب ره كه بدى شه محلى رِه ياد نكن
خويش و قوم ره غربت بدى احوالپرسى ره ياد نكن
زوون خارج ياد بئير مازرونى رِه ياد نكن
مارك و دلار ته جيف دره يك قرانى رِه ياد نكن
حسابدار شركت بوى ميرزاگرى رِه ياد نكن
مهندس زرعت بووش ورزگرى رِه ياد نكن
جبر و مثلثات بخون قرآن خونّى رِه ياد نكن
امسال اگر عاقل بئى شه خل خلى ره ياد نكن
چارتا عاقل ته دور دره خل ولى رِه ياد نكن
پير سرى توبه كنى شه جوونى رِه ياد نكن
شومينه گازى هايير كله دى رِه ياد نكن
پيتزا تنورى كه خرنى بچا بشتى رِه ياد نكن
وقتى خرنى فيله و رون قرمه و پى رِه ياد نكن
اگر ته ديم سرخى بزو پار زردى رِه ياد نكن
گيتار و تاره ياد بئير شه پس پسى ره ياد نكن
وقتى كه جاز گوش كنى شه اميرى رِه ياد نكن
كندوون اونور شونى محله سى رِه ياد نكن
هر كجه خانى دور بزن كراد زمى رِه ياد نكن
وقتى زن و خنه دارنى شه عزبى رِه ياد نكن
خاخر بلوز شلوار دارنى شه روسرى رِه ياد نكن
اداره شونى كار سر وچه و شى رِه ياد نكن
د شو كه شوم بيرون خرنى شه آشپزى رِه ياد نكن
لوه دارنى ديگ نچسب مرس و قلى رِه ياد نكن
لباس وقتى چمدون كنى شه دونى رِه ياد نكن
خلاصه مطلب اينه شه كار و بار سر خداورى رِه ياد نكن
امسال اگر كمى سِرى پارِ وَشنى رِه ياد نكن
وقتى تِه لينگ چكمه دَره لينگ تلى رِه ياد نكن
اگر راحتتر مجنى پارِ سختى رِه ياد نكن
وقتى ماشينّه گاز دِنى پياده گرى رِه ياد نكن
آسفالت دنده 4 شونى جاده خاكى رِه ياد نكن
وقتى شونى ويلا پيش باغبونى رِه ياد نكن
آلو طلايى ره بخر تِرش هلى رِه ياد نكن
ماشين كه الوار زنّى چاودارى رِه ياد نكن
و سَرِه بار بن ونى مال كشى رِه ياد نكن
وچيله ره انام دنى دستور سرى رِه ياد نكن
چراغ فندك تِه دس دره چراغ موشى رِه ياد نكن
پيمانكار شهرى بوى كوره پلى رِه ياد نكن
اره موتورى ره بدى تور و چلى رِه ياد نكن
ته وضع خوبه ارباب بوى شه رعيتى رِه ياد نكن
باد كه به غبغب انگنى شه پنچرى رِه ياد نكن
ته دس اگر كار بر انه شه كارسازى رِه ياد نكن
اتتا جمه شو نون دنى يواشكى رِه ياد نكن
چارشايى پول ته جيف دره شه فقيرى رِه ياد نكن
چار نفر رييس بوى مهربونى رِه ياد نكن
اگر د تا ره مز دنى شه مزيرى رِه ياد نكن
چار تا كلاس سواد دارنى شه اتته چى رِه ياد نكن
چارتا غريب ره كه بدى شه محلى رِه ياد نكن
خويش و قوم ره غربت بدى احوالپرسى ره ياد نكن
زوون خارج ياد بئير مازرونى رِه ياد نكن
مارك و دلار ته جيف دره يك قرانى رِه ياد نكن
حسابدار شركت بوى ميرزاگرى رِه ياد نكن
مهندس زرعت بووش ورزگرى رِه ياد نكن
جبر و مثلثات بخون قرآن خونّى رِه ياد نكن
امسال اگر عاقل بئى شه خل خلى ره ياد نكن
چارتا عاقل ته دور دره خل ولى رِه ياد نكن
پير سرى توبه كنى شه جوونى رِه ياد نكن
شومينه گازى هايير كله دى رِه ياد نكن
پيتزا تنورى كه خرنى بچا بشتى رِه ياد نكن
وقتى خرنى فيله و رون قرمه و پى رِه ياد نكن
اگر ته ديم سرخى بزو پار زردى رِه ياد نكن
گيتار و تاره ياد بئير شه پس پسى ره ياد نكن
وقتى كه جاز گوش كنى شه اميرى رِه ياد نكن
كندوون اونور شونى محله سى رِه ياد نكن
هر كجه خانى دور بزن كراد زمى رِه ياد نكن
وقتى زن و خنه دارنى شه عزبى رِه ياد نكن
خاخر بلوز شلوار دارنى شه روسرى رِه ياد نكن
اداره شونى كار سر وچه و شى رِه ياد نكن
د شو كه شوم بيرون خرنى شه آشپزى رِه ياد نكن
لوه دارنى ديگ نچسب مرس و قلى رِه ياد نكن
لباس وقتى چمدون كنى شه دونى رِه ياد نكن
خلاصه مطلب اينه شه كار و بار سر خداورى رِه ياد نكن
(برگرفته از مجموعه ارزشمند "پار پیرار " اثر برادر گرانقدر " فرهود جلالی کندلوسی")
+ بنویشت بییه در چهارشنبه یکم اسفند 1386ساعت 22:23 توسط علی پریجایی
|
